Аргентина футболчисига Европанинг икки клуби кўз тикди

Аргентина миллий терма жамоаси ва Франциянинг “Лион” клуби ҳимоячиси Николас Тальяфико ёзги трансфер ойнасида клубини ўзгартириши мумкин.

Бу ҳақда инсайдер Николо Скира ижтимоий тармоқлар орқали маълум қилди.

Манбага кўра, 33 ёшли ҳимоячига Англиянинг “Ноттингем Форест” ҳамда Испаниянинг “Депортиво” клублари қизиқиш билдирмоқда.

Аргентиналик футболчининг “Лион” билан амалдаги меҳнат шартномаси келаси ёзда ўз якунига етади.

2026 йилги Жаҳон чемпионатида тажрибали ҳимоячи Аргентина терма жамоаси сафида 7 та ўйин ўтказди. Финалда эса аргентиналиклар Испания терма жамоасига қарши баҳс олиб борди ва 0:1 ҳисобида ютқазиб, чемпионлик унвонини топширди.