Арман Маханов иштирокидаги финал муддатдан аввал якунланди

Ҳозиргина БААнинг Дубай шаҳрида ўтказилган бокс бўйича Жаҳон чемпионати ниҳоясига етди.

Мусобақанинг сўнгги финал жанги, +92 кг да вакилимиз Арман Маханов россиялик Давид Суровга қарши рингга кўтарилди.

Афсуски, ушбу баҳсда боксчимиз бир неча бор нокдаун ҳолатига тушиб қолди ва 2-раундга келиб, мураббийлар оқ сочиқ ташлашга мажбур бўлди.

Шу тариқа, Маханов ҳам мазкур дунё биринчилигида кумуш медал соҳибига айланди.