Арман Царукян: "Чарльз Оливейра, сен мени енгиб, ғалабангни дўстингга бағишлашинг мумкин эди"

Таниқли UFC жангчиси Арман Царукян бразилиялик Чарльз Оливейрани у билан жангдан қочганликда айбламоқда.

"Менга Чарльзнинг дўсти вафот этгани ва у вақтинча машқ қила олмаслигини айтишганди. Бироқ мен айни дамда бир нарсага тушунмаяпман. Оливейра дўстининг ўлимидан уч-тўрт кун ўтиб, яна лагерга қайтди. Менимча, у ва UFC аллақачон Диэго Лопес билан жанг ҳақида келишиб олишган. Балки Чарльз шунчаки баҳона топгандир. Яна ҳам билмадим. Ҳар бир инсон ҳар хил. Тўғри, кимнидир йўқотиш оғир. Аммо, Оливейра, сен мени енгиб, ғалабангни дўстингга бағишлашинг мумкин эди. Менимча, энди промоушен Чарльз ва Диего Лопес ўртасида BMF камари учун жанг ўтказади", - деди Арман.

Эслатиб ўтамиз, август ойида бошида тарқалган маълумотларга кўра, "UFC 331" турнирида Царукян ва Оливейра BMF камари учун курашиши керак эди. Лекин бразилияликнинг жамоадоши дунёдан ўтгач, мазкур баҳс бекор бўлди. Кейин орадан 13 кун ўтиб, Оливейра ва Лопес қарама-қаршилиги эълон қилинди.