Арне Слот: "Биз бу ўйинда таваккал қилдик"

ЕЧЛнинг 4-турида "Байер" "Ливерпуль" меҳмони бўлди. Ушбу ўйинда мезбонлар йирик 4:0 ҳисобида зафар қучишди. 

Учрашувда Диас хет-трик қилган бўлса, Гакпо ўз ҳисобига битта гол ёздириб қўйди. "Ливерпуль" устози Арне Слот учрашув ҳақида ўз фикрларини билдирди.

"Биз бу ўйинда таваккал қилдик. Биринчи бўлимдаёқ бизда ажойиб имкониятлар бўлди, рақибларда айтарли имконият бўлмади. Барчамиз "Байер"нинг Европада қанчалик кучли жамоа эканини биламиз. Ҳозир мен фақат шанба куни бўлиб ўтадиган навбатдаги ўйин ҳақида ўйлаяпман. Бу осон ўйин бўлмайди, - дейди Слот.