«Арсенал» Альварес бўйича «махфий операция» ўтказмоқда

Лондоннинг «Арсенал» жамоаси Мадриднинг «Атлетико» клуби ҳужумчиси, аргентиналик форвард Хулиан Альваресни сотиб олиш бўйича музокара олиб бормоқда. 

Indykaila News нашри маълумотларига кўра, лондонликлар футболчини «Барселона» ўрнига айнан «Арсенал»ни танлашга кўндириш мақсадида «махфий операция»ни йўлга қўйган.

Агар келишув амалга ошса, Альварес «Арсенал» таркибида энг кўп маош оладиган футболчига айланиши мумкинлиги таъкидланмоқда.

Аввалроқ тарқалган хабарларда эса, футболчининг ўзи «Барселона»да тўп суришни афзал кўриши, «Реал» ёки «Арсенал» вариантларини жиддий кўриб чиқмаётгани айтилган эди.

2025/2026 йилги мавсумда ҳужумчи барча мусобақалар доирасида 49 та ўйин ўтказиб, 20 та гол урди ва 9 та голли узатма амалга оширди. Transfermarkt портали футболчининг бозор қийматини 100 миллион евро атрофида баҳоламоқда.