«Arsenal» «Aston Villa» himoyachisini sotib olmoqchi

«Arsenal» «Aston Villa» tarkibida harakat qilayotgan markaziy himoyachi Ezri Konsaga jiddiy qiziqish bildirmoqda. Bu haqida MailSport nashri xabar tarqatdi.

Manbaning ma'lum qilishicha, London klubi futbolchini o‘z safiga qo‘shib olish masalasini faol o‘rganmoqda. «Aston Villa» esa o‘z navbatida Konsa uchun yuqori transfer narxi belgilagan.

Birmingem klubi himoyachi uchun kamida 50 million funt talab qilmoqda. Bu summa «Aston Villa» 

rahbariyatining futbolchini osonlikcha qo‘yib yubormoqchi emasligini ko‘rsatadi.

Shu bilan birga, «Arsenal» Konsaning transfer qiymatini bundan pastroq deb hisoblamoqda. Xabarlarga ko‘ra, londonliklar hozircha himoyachi uchun 35 million funtdan ortiq to‘lashga tayyor emas.