“Арсенал” “Барса”дан ёрдам кутяпти

“Арсенал” бош мураббий Микель Артета жамоага тажрибали дарвозабон қидирмоқда. Испаниялик мутахассис айни пайтда “Барселона”дан ёрдам кутмоқда ва каталонияликларнинг 31 ёшли дарвозабони Нетуни Лондонга олиб келмоқчи.

Микель Артета ёзги трансферлар вақтида Нетуни қўлга кирита олмаганди. Энди “канонирлар” бразилиялик посбонни мавсум охиригача ижарага олиб, кейинчалик тўлиқ трансфер қилиш ҳуқуқига эга бўлмоқчи.

Нету жорий мавсумда барча турнирларда тўққизта учрашувда “барселона” дарвозасини қўриқлаб, еттита тўп ўтказди. Тўртта учрашувда дарвозаси дахлсизлигини сақлаб қолди.