Асосий мазмунга ўтиш
Футбол

«Арсенал» бир шарт билан Дьёкерешни сотади

Muhammadqodir Ruzmatov
Изоҳлар: 0

«Арсенал»да ўйин амалиётидан норози Виктор Дьёкереш қишки трансфер ойнасида клубни тарк этиши мумкин, унга «Милан» ва «Ювентус» қизиқмоқда.

Швеция терма жамоаси ҳужумчиси Виктор Дьёкереш қишки трансфер ойнасида Лондоннинг «Арсенал» клубини тарк этиши мумкин.

Caught Offside нашри хабарига кўра, Дьёкереш «Арсенал»даги мавқеидан мамнун эмас. У жамоадаги роли ва ўйин амалиётидан қониқмаётгани сабабли, яқинлашиб келаётган қишки трансфер даврида клубни алмаштириш имкониятини кўриб чиқмоқда.

Манбага кўра, ҳужумчига Европанинг етакчи клублари – «Милан» ва «Ювентус», шунингдек Саудия Арабистонининг «Аль-Ахли» ва «Аль-Иттихад» жамоалари жиддий қизиқиш билдирмоқда. Шу билан бирга, «Арсенал» раҳбарияти Дьёкерешни фақат янги марказий ҳужумчи харид қилинган тақдирдагина сотишга тайёр экани таъкидланмоқда.

Жорий мавсумда Виктор Дьёкереш барча мусобақалар доирасида бешта ўйинда майдонга тушди, аммо гол уролмади ва самарали узатма ҳам қайд этмади.

Transfermarkt портали маълумотларига кўра, швед форварднинг бозор қиймати 65 миллион еврони ташкил этади.

Улашиш
SPORTS.uz'нинг Instagram'даги саҳифасига қўшилинг!

Изоҳлар (0)

Ҳозирча изоҳлар йўқ