“Арсенал” етти футболчидан воз кечди

“Арсенал” бош мураббийи Микель Артета ёзги трансферлар вақтида жамоа таркибини ўзгаришга қарор қилди. Бу ҳақда The Sun нашри маълум қилди.

Манбада таъкидланишича, “канонирлар” мураббийлар штаби режасига киритилмаган бир гуруҳ футболчилар хизматидан воз кечади.

Клубни тарк этадиганлар рўйхатига Александр Зинченко, Киран Тирни, Томас Парти, Жоржиньо, Якуб Кивёр, Раҳим Стерлинг ва Мурара Нето киритилган.

Бу ўйинчилар трансферидан тушган маблағ турли позицияларга янги ижрочиларни олиб келишга йўналтирилади. Микель Артета таркибни чемпионлик ва бошқа совринларни қўлга киритадиган даражада кучайтиришни мақсад қилгани айтилмоқда.