"Арсенал" футболчиси фаолиятини АПЛнинг бошқа клубида давом эттириши мумкин

"Арсенал" ҳимоячиси Риккардо Калафьори фаолиятини "Челси"да давом эттириши мумкин. Бу ҳақда "CaughtOffside" нашри хабар бермоқда. 

Манба маълумотига кўра, "кўклар" ёзда италиялик футболчини ўз сафига қўшиб олишни режалаштирмоқда. Риккардонинг ўзи ҳам кўпроқ ўйин амалиётига эга бўлишни хоҳлаяпти. Шу сабабли, футболчи бу таклифни кўриб чиқишга тайёр. 

23 ёшли футболчининг айни вақтда "трансфермаркт" порталидаги нархи 50 миллион еврога баҳоланмоқда. Унинг клуб билан амалдаги шартномаси 2029 йилнинг ёзигача мўлжалланган. 

Маълумот учун, Калафиёри 2024 йилда "Арсенал" сафига келиб қўшилган. Шу давр мобайнида футболчи "канонирлар" сафида 56 та учрашувда майдонга тушиб, ўз номига 4 та гол ва 5 та голли узатма ёздириб қўйишга эришди.