“Арсенал” футболчиси “Сити”дан чўчияпти

Жорий мавсумда Англия Премьер-лигаси чемпионлигини учун курашаётган жамоалардан бири –  “Арсенал” ярим ҳимоячиси Микель Мерино “Манчестер Сити” имкониятларига юқори баҳо берди.

- “Манчестер Сити”нинг чемпионат бошидаги икки мағлубиятидан одамлар фожиа ясай бошлади. Улар “шаҳарликлар”ни чемпионлик курашидан чиқди, деб ҳисоблаяпти.

Чемпионат энди бошланди, олдинда узоқ йўл бор. Мен эса. “Манчестер Сити” албатта бош соврин учун курашади, деб ўйлайман, - деди Микель Мерино.

Хосеп Гвардиола жамоаси кетма-кет тўрт йил Англия Премьер-лигасида ғолиб чиққанидан кейин ўтган мавсумда чемпионликни “Ливерпуль”га бой берди. Бу “шаҳарликлар” ўйинида инқироз юз бергани билан изоҳланди.

“Манчестер Сити” 2025 йилнинг икки трансферлар ойнасида таркибини тубдан янгилади. Энди кўпчиликни Хосеп Гвардиоланинг янги лойиҳаси қай даражада самарали экани қизиқтирмоқда.