"Арсенал" ўртоқлик учрашувида "Милан"ни мағлуб этди, Эдегордан чиройли гол (видео)

Жаҳон чемпионати туфайли юзага келган танаффусдан унумли фойдаланаётган клублар ўртоқлик учрашувларида майдонга тушмоқда.

Бугун Дубай шаҳрида "Арсенал" ҳамда "Милан" жамоалари ўзаро куч синашди. Унда лондонликлар 2:1 ҳисобида зафар қучди. "Канонирлар" сафида Мартин Эдегор ва Рис Нельсон томонидан киритилган голларга "россонерилар" сафида Фикайо Томори бир маротаба жавоб қайтарди.

Қайд этиш жоиз, Мартиннинг голи анча чиройли чиққани билан қолганлардан ажралиб турди.