"Арсенал" ўз тарихидаги рекорд трансферни амалга оширишга тайёр!

Лондоннинг "Арсенал" клуби раҳбарияти жамоанинг ҳужум чизиғини кучайтириш устида ишламоқда. Кўпдан буён бу борада "канонирлар"нинг эътибори "Ньюкасл" форварди Александр Исакда экани бўйича ОАВда миш-мишлар юради.

Transfer News Live нашрининг El Nacional нашрига таяниб хабар беришича, "канонирлар" 25 ёшли швециялик футболчини қўлга киритиш мақсадида ўзлари учун рекорд даражадаги 120 миллион евро маблағтўлашга тайёр. Трансфермаркт маълумотларига кўра, "Арсенал" тарихидаги энг қиммат трансфер - 116,6 миллион еврога тушган. Лондон клуби 2023 йилда "Вест Хэм" ярим ҳимоячиси Деклан Райс учун айнан шунча пул тўлаган.

Маълумот учун, Александр Исак жорий 2024/2025 йилги мавсумда "Ньюкасл" сафида жами 10 та ўйинда майдонга тушиб, ўз ҳисобига тўртта гол ва  битта голли узатма ёздириб қўйди. У "қарғалар" сафида 2022 йилдан буён тўп суриб келмоқда. Исак фаолияти давомида "Боруссия" Дортмунд ва "Реал  Сосьедад" каби жамоаларда ҳам ўйнаган.