Роналдунинг Португалия терма жамоасидаги келажаги айтилди

Португалия терма жамоасининг етакчи ҳужумчиси Криштиану Роналду мураббий Жорже Жезуш жамоа бошида турган экан, миллий терма сафига қайтмаслиги айтилмоқда.

Инсайдер Руи Сантуш тарқатган маълумотга кўра, 41 ёшли Роналду Португалия терма жамоасига қайта чақирувни қабул қилишни режалаштираётгани йўқ. 

Бунга сабаб сифати у билан Жорже Жезуш ўртасида яқинда юзага келган можаро кўрсатилмоқда. Шу воқеадан сўнг Криштиану терма жамоа қароргоҳини тарк этган эди. Матбуотда ҳатто унинг миллий жамоа сафидаги фаолиятини тугатиши мумкинлиги ҳақида миш-мишлар ҳам тарқалди.

Эслатиб ўтамиз, Роналду ва Жезуш ўртасидаги низо УЕФА Миллатлар лигасида Норвегияга қарши ўйиндан кейин келиб чиққан. Ушбу баҳсда Жорже Жезуш тажрибали ҳужумчини майдонга туширмасликка қарор қилган, шу ўйинда португалияликлар қийин кечган беллашувда 2:1 ҳисобида ғалаба қозонган эди.