"Арсенал" Рамсдейлга бошқа ўринбосар топди

"Арсенал" жамоани Аарон Рамсдейл тарк этганидан кейин янги дарвозабон билан шартнома имзолашга ҳаракат қилмоқда. Бунинг учун клуб "Эспаньол" аъзоси Жоан Гарсия бўйича испанлар билан музокаралар олиб бормоқда. 

Фабрицио Романо хабар беришича, "Эспанол" "канонирлар"нинг иккита таклфини рад қилди. Жамоа 30 миллион евро талаб қилмоқда. "Арсенал" эса 20 миллион евролик таклиф билан чиққан. Шундан кейин лондонликлар бошқа посбон излашга тушди. 

Сўнгги маълумотларга кўра, "Арсенал" "Борнмут" футболчиси Нето билан келишиб олди. Агарда Гарсия трансфери барбод бўлса, клуб бразилиялик дарвозабон билан шартнома имзолайди.