"Арсенал" "Реал"юлдузи учун 80 млн евролик таклиф тайёрламоқда

Лондоннинг "Арсенал" клуби туркиялик ярим ҳимоячи Арда Гюлер учун Мадриднинг "Реал" клубига таклиф билан чиқмоқчи. Битим суммаси 80 млн еврони ташкил этиши мумкин. Бу ҳақда журналист ва инсайдер Экрем Конур ўзининг Х ижтимоий тармоғидаги саҳифасида маълум қилди.

Аввалроқ, футболчига "Ливерпуль" ва "Манчестер Юнайтед" қизиқиш билдираётгани ҳақида хабарлар тарқалган эди. Бироқ, "қаймоқранглилар" 20 ёшли ҳужумчини қўйиб юбормоқчи эмас, чунки уни клубнинг узоқ муддатли лойиҳасининг бир қисми сифатида кўрмоқда.

Жорий - 2025/2026 йилги мавсумда ҳужумчи 27 та ўйинда майдонга тушиб, 3 та гол урди ва 8 та голли узатмани амалга оширди. Арда Гюлер 2023 йилнинг июлидан бери "Реал" шарафини ҳимоя қилмоқда. Туркиялик ярим ҳимоячининг клуб билан шартномаси 2029 йилнинг июнигача мўлжалланган. Transfermarkt портали футболчини 90 млн еврога баҳоламоқда.