"Арсенал" ёздаги энг қиммат трансферга қўл уряпти

Инсайдер Фабрицио Романо маълумотларига кўра, сўнгги кунларда "Арсенал" раҳбарияти хавбекни жамоага қўшиб олиш масаласини янада фаол ўргана бошлаган. Лондон клуби бу футболчи ҳақидаги дастлабки маълумотларни қишдаёқ тўплаган, энди эса ушбу вариантга яна қайтган. Манбага кўра, "Арсенал" вакиллари ёзги трансфер ойнасида битимни амалга ошириш имкониятини баҳолаш мақсадида бир неча марта музокаралар ўтказган.

Шу билан бирга, "Ньюкасл" жамоанинг етакчи ўйинчиларидан бири билан осонликча хайрлашиш ниятида эмас. Аввалроқ тарқалган хабарларда айтилишича, инглиз клуби хавбекни фақат тахминан 115 миллион евро атрофидаги таклиф келиб тушсагина сотиш масаласини кўриб чиқишга тайёр.

Ўтган мавсумда италиялик футболчи клуб даражасида 53 та ўйинда майдонга тушди. У шу давр мобайнида учта гол урди ва еттита голли узатма берди.