Артета жаҳон чемпионини "Реал"га жўнатиб юборади

Футболчи қишда жамоасини алмаштириши мумкин

«Арсенал» бош мураббийи Микель Артета ярим ҳимоячи Мартин Субимендининг келажагига оид қарорини қабул қилгани хабар қилинмоқда. Бу ҳақда El Nacional нашри ёзди.

Манбага кўра, Артета футболчига қишки трансфер ойнасидан сўнг уни эркин қўйиб юборишини ваъда қилган. Субименди учун энг эҳтимолий янги манзил сифатида мадридлик «Реал» тилга олинмоқда.

Мартин Субименди 2025 йил ёзида «Реал Сосьедад» таркибидан «Арсенал»га ўтган эди. Лондон клуби билан тузилган шартнома 2030 йил ёзигача амал қилади. Transfermarkt портали футболчининг бозор қийматини 65 миллион евро атрофида баҳоламоқда.