Артур Бетербиевнинг қачон машғулотларга қайтиши маълум бўлди

Россиялик боксчи Артур Бетербиев тиззасидан операция қилинади ва беш ойдан сўнггина машғулотларга қайтиши мумкин бўлади, деб хабар беради ESPN. Манбага кўра, 39 ёшли спортчининг менискуси йиртилган, шу боис ҳам Бетербиев(20-0, 20 KO)нинг 1 июнь куни Ар-Риёдда (Саудия Арабистони) бўлиб ўтиши керак бўлган бошқа бир россиялик боксчи Дмитрий Бивол билан ярим оғир вазнда мутлақ жаҳон чемпиони унвони учун жанги қолдирилди. Профессионал фаолияти давомида Бетербиев 20 та жанг ўтказган ва уларнинг барчасини эрта ғалаба билан якунлаган. У WBC, WBO ва IBF чемпионлик камарларига эга.

Дмитрий  Бивол(22-0, 11 KO)га келсак, у ҳам мағлубиятсиз серия қайд этиб келмоқда.