Артём Дзюба Элдор Шомуродов ҳақида нима деганини биласизми?

«Зенит» ҳужумчиси Артём Дзюба Россия чемпионатининг энг яхши тўпурари учун кечаётган кураш ҳали якунига етгани йўқ, деб ҳисобламоқда. Айни пайтда у 13 та гол билан турнирнинг энг яхши тўпурари бўлиб турибди.

Эътиборлиси Россия терма жамоасининг етакчиси маҳаллий ОАВга берган интервьюсида ҳамюртимиз ҳақида илиқ фикрларни билдириб, тўпурар учун кечаётган кураш хусусида гапирди.

- Якуний хулосани финиш чизиғига етиб келинганидан сўнг чиқариш керак. Кураш ҳали якунига етгани йўқ. Элдор Шомуродов ниҳоятда яхши ҳужумчи, у менга жуда ёқади.

Курашга яна Азмун қўшилиши мумкин. Албатта, бу қизиқ бўлади, курашамиз. Тўпни ким яхшироқ позицияда бўлса, ўшанга узатиш керак. Агар фақат голлар ҳақида ўйлайдиган бўлсанг, улар келмайди. Очколар жамғариш шарт. Бу футбол қонуни.

Эслатиб ўтамиз, Шомуродов тўпурарлар пойгасида Дзюбадан сўнг 11 та гол билан иккинчи ўринда бормоқда.