Арвеладзе "Пахтакор" мавсумни қандай ўтказгани, коронавирусдан тузалган футболчи ва Ҳамробековнинг ҳолати улар хоҳлагандек эмаслиги борасида гапирди

"Пахтакор" бош мураббийи Шота Арвеладзе "Андижон" билан беллашувдан кейин ўйин хусусида фикрларини билдирди. Бу ҳақда клуб матбуот хизмати хабар берди.

- Биринчи навбатда клуб раҳбариятига, барча ходимларга раҳмат айтмоқчиман. Қийин мавсумда кичик тарих ярата олдик. Ўйлайманки, чемпионатни чиройли ва ҳақли ғалаба билан якунладик. Энди бор эътиборимизни кубок баҳсларига қаратамиз.

Кубок баҳслари икки ҳафтага яқин давом этади. Уни тез фурсатда ўтадиган кичик турнир деб айтиш мумкин. Унга астойдил тайёргарлик кўрамиз. Бу йил Суперлигада бундай вазиятда ўйнадик, Чемпионлар Лигасида ҳам шундай ҳолатда бўлдик.

Козак коронавирусдан тузалиб, машғулотларни бошлаб юборган. Ҳамробековнинг ҳолати эса биз хоҳлагандек эмас, лекин тез орада сафга қайтишига умид қиламиз, - деди Арвеладзе.

Фикрлар

Фикр қолдириш учун авторизациядан ўтинг!