"Атлетик" бош мураббийи билан шартномани узайтирди

“Атлетик” клуби бош мураббий Гаиска Гаритано билан амалдаги шартномани узайтирди. Бу ҳақда клуб расмий сайти хабар тарқатмоқда.

Унга кўра бильбаоликлар 43 ёшли мутахассис билан амалдаги келишувни яна бир йилга, яъни 2020 йилга қадар узайтиришган.

Эслатиб ўтамиз, Гаритано “Атлетик”ни 2018 йилнинг декабридан буён бошқариб келмоқда. Унинг жамоаси ортда қолган 30та тур якунларига кўра Ла Лига мусобақа жадвалида 8-ўринни эгаллаб турибди.