“Атлетико” “Барселона”ни қаттиқ танқид қилди

“Атлетико” клуби Хулиан Альвареснинг “Барселона”га ўтиши ҳақидаги хабарлар устидан кулишга қарор қилгани сабабини изоҳлади.

Мадридликлар бугун ижтимоий тармоқларда “Барселона” юлдузлари учун турли кулгили трансфер таклифларини эълон қилган эди.

"Йўқ, “Атлетико” ҳеч қачон бу даражага тушмасди. Бироқ сўнгги ойларда клубимиз футболчиларидан бирига қарши ҳақиқий ахборот ҳужуми бўлмоқда. Атрофда атайлаб тарқатилаётган маълумотлар, фейк хабарлар, доимий ҳурматсизлик, “Барселона”нинг турли ҳикоялар ўйлаб топаётган медиа машинаси, тўғридан тўғри ўйинлар олдидан бўлаётган қўнғироқлар...

Аммо, албатта, ҳакамлар қўмитаси вице-президентини маошда ушлаб туриш ёки футболчиларни рўйхатдан ўтказиш учун сиёсий алоқалардан фойдаланиш хаёлимизга ҳам келмайди. Ҳурмат ва қадриятлар", — дейилади баёнотда.