"Атлетико" спорт принципларига зид равишда ЕЧЛ йўлланмасига эга бўлиши мумкин

Мадриднинг "Атлетико" клуби Ла Лигада мавсум муддатидан аввал якунланган тақдирда ҳам келаси мавсум Чемпионлар лигасида иштирок этиш ҳуқуқини қўлга киритиши мумкин.

Таъкидлаш керакки, Диего Симеоне жамоаси айни дамда Ла Лига мусобақа жадвалида "Барселона" (58), "Реал" (56), "Севилья" (47), "Реал Сосьедад" (46) ва "Хетафе" (46) жамоаларидан сўнг 45 очко билан 6-ўринда бормоқда. Улар эгаллаб турган ўрин эса фақатгина Европа лигасига йўлланма беради холос.

Испан нашрларининг ёзишича, УЕФА “матрасчилар”га 2014 ва 2016 йилларда ЕЧЛ финалида иштирок этгани учун янги мавсумда уларга махсус таклиф билан Чемпионлар лигасида қатнашиш ҳуқуқини бериши мумкин.