ATP. Надаль амалдаги чемпионни 3 сетда мағлуб этди

Лондон шаҳри теннис бўйича эркаклар ўртасидаги йилнинг якуний турнирига мезбонлик қилмоқда. 6-кун беллашувларида амалдаги чемпион ҳамда ғолиблик учун асосий даъвогар баҳси барчанинг эътиборини ўзига қаратди.

Сетларнинг дастлабкисини Надаль ўз ҳисобига ёздириб қўйган бўлса, иккинчи сетда Циципас тарози паллаларини тенглаштиришни уддалади. Ҳар икки спортчи учинчи сетга гэймлар бўйича мутлақо тенг ҳолда етиб келди ва ғалаба қозонган томон ярим финал чипталарини қўлга киритарди. Якунда Рафа 6:4, 4:6, 6:2 ҳисобида зафар қучди.