"Аякс"га янги бош мураббий тайинланди

Расман "Аякс" клубига янги бош мураббий тайинланди. Нидерландияликлар "Ницца" устози Франческо Фариоли билан шартнома имзолади. 

"Бу ерда эканлигимдан жуда ҳам хурсандман. Барча ҳодимлар билан астойдил ишлаймиз. "Аякс"ни яна ўз даражасига қайтармоқчимиз. Шундай экан, ҳозирданоқ вақтни бефойда сарфламасдан ишга киришамиз", - деди италиялик мутахассис. 

Фариоли фаолиятини Туркияда бошлаган. У дастлаб "Фотиҳ Карагюмрук"да ёрдамчи, ундан кейин эса "Аланьяспор"га бош мураббийи этиб тайинланганди. 2023 йилнинг ёзида "Ница"ни қабул қилиб олган Франческо клуб билан Франция чемпионатини 5-ўрин билан якунлади.