Аян Толеген: "Сакен Биббосинов учун асосий рақиб... Амит Пангални бемалол ютса бўлади"

Хабарингиз бор. бир неча кундан бери қозоғистонлик журналист ва шарҳловчи Аян Толеген билан бокс борасида фикрлар алмашмоқдамиз. Бу сафар унга Париж Олимпиадасида -51 кг вазнда иштирок этувчи қозоғистонлик Сакен Биббосиновга асосий рақиб Ҳасанбой Дўсматовми ёки Амит Пангал бўладими, деган савол билан мурожаат қилдим. 

- Тўғриси, мен Ҳасанбой Дўсматов ва Амит Пангал битта сеткадан ўрин олиши ва финалда иккисининг ғолиби билан Сакен жанг қилишини хоҳлардим. (кулади) Менимча Амит Пангалнинг ёши ўтиб қолди ва у аввалгидек эмас. Уни бемалол мағлуб этса бўлади. Шунингдек, француз Билал Беннамани ҳам эсдан чиқармаслик керак.