Ayni damda O‘zbekiston guruhida vaziyat qanday?

"JCh-2026" saralashi doirasidagi Qirg‘iz Respublikasi hamda O‘zbekiston o‘rtasidagi bahs bo‘lib o‘tdi va unda vakillarimiz 3:2 hisobida g‘alaba qozondi. 

Joel Kojo hisobni ochgan bo‘lsa, Shomurodov navbatdagi hujumning o‘zidayoq muvozanatni tikladi. 35-daqiqada Odiljon Abdurahmonov qo‘shnilarimizni hisobda oldinga olib chiqqan bo‘lsa, Alqulov tenglashtiruvchi, O‘runov esa g‘alaba golini kiritdi. 

Shu tariqa, "oq bo‘rilar" ikkinchi turda ham 3 ochkoni qo‘lga kiritdi. 

Ikki g‘alabadan so‘ng 6 ochko qo‘lga kiritgan Katanets shogirdlari jadvalda peshqadam bo‘lib turibdi. Ayni damda esa BAA va Eron terma jamoalari o‘rtasidagi bellashuv davom etmoqda.