Aziz Dadaboev va Ibrohimjon O‘rinov yarim finalda

Namangan shahrida Xalqaro tennis federatsiyasi tomonidan o‘tkazilayotgan turnirning o‘g‘il bolalar o‘rtasida vakillarimiz faqatgina juftlik bahslarida kurashni davom ettirmoqdalar.

Yakkalik bellashuvlarida omadsizlikka uchragan Aziz Dadaboev va Ibrohimjon O‘rinov tandemi chorak finalda qozog‘istonlik Dmitriy Beborodov va Erasil Muratni har ikkala setda tay-brekda mag‘lubiyatga uchratdi.

Shu tariqa Aziz va Ibrohimjon o‘smirlar o‘rtasida o‘tayotgan musobaqaning yarim finaliga yo‘l oldi. Ularning raqibi birozdan so‘ng aniqlanadi.