«Бёрнли» Дастан Сатпаев рақибини ижарага юборди
«Бёрнли» ҳужумчиси Лайла Фостер «Хьюстон Динамо»га 2027 йил июнигача ижарага ўтди, шартномада тўлиқ трансфер банди бор.
Англиянинг «Бёрнли» клуби, таркибида ижара асосида Қозоғистон терма жамоаси ҳужумчиси Дастан Сатпаев ҳам тўп сурмоқда, жамоа ҳужумчиси, жанубий африкалик форвард Лайла Фостер билан хайрлашганини эълон қилди, деб хабар беради Sports.kz.
26 ёшли футболчи АҚШнинг MLS чемпионатида иштирок этувчи «Хьюстон Динамо» клубига 2027 йил июнигача ижарага ўтди. Шартномада унинг тўлиқ трансфери бўйича банд ҳам кўзда тутилган.
Фостер 2023 йилдан бери «Бёрнли» шарафини ҳимоя қилиб келаётган эди. У бунгача Бельгиянинг «Вестерло» клубида ўйнаган. Англия жамоаси сафида у барча мусобақалар доирасида 99 та ўйин ўтказиб, 12 та гол урди ва 2025 йилда клубнинг Премьер-лигага қайтишига ўз ҳиссасини қўшди.
Жанубий Африка Республикаси терма жамоаси аъзосининг кетиши «Бёрнли»нинг ҳужум чизиғидаги рақобатни маълум даражада камайтириши кутилмоқда. Бу эса жорий мавсумда майдонга тушиб келаётган 18 ёшли Дастан Сатпаев учун қўшимча имконият яратиши мумкин.
Изоҳлар (0)