БАА президенти кубоги. Машарипов жамоаси финалда!

БАА президенти кубоги ярим финал босқичидан ўрин олган "Шабаб Ал-Аҳли" ва "Банияс" жамоалари ўртасидаги ўйин якунланди. Мазкур баҳсда дубайликлар 1:0 ҳисобида ғалаба қозониб финал йўлланмасини қўлга киритди.

"Шабаб Ал-Аҳли" сафида ҳаракат қилаётган легионеримиз Жалолиддин Машарипов учрашувни асосий таркибда бошлаб, 68-дақиқада захирага олинди.

Иккинчи финалчи номи Отабек Шукуров ўйнайдиган "Шаржа" ҳамда "Ал-Наср" жамоалари ўртасидаги баҳсдан сўнг маълум бўлади.