Баҳодир Жалоловдан ёрқин ғалаба!

Хабарингиз бор, "Ҳумо Арена" спорт мажмуасида профессионал бокс кечаси бўлиб ўтмоқда. Унда 8 нафар ҳамюртимиз ўз жангларини ўтказяпти.

Навбатдаги жангда "BIG Uzbek" лақаби билан танилган Баҳодир Жалолов рингга кўтарилди. Унга Латвия вакили Кристапс Зуиц рақиблик қилди. Кутилганидек, тўқнашув ҳамюртимизнинг катта устунлиги остида кечди ва Жалолов нокаут эвазига ғалаба қозонди.

Шундай қилиб, Баҳодир профессионал боксдаги 8-жанггида ҳам ғалаба қозонди.