Барчаси ҳал: Месси фаолиятини қаерда давом эттириши маълум

Аргентиналик ҳужумчи Лионель Мессининг келажаги ҳақидаги "эртак" ўз ниҳоясига етаётганга ўхшайди. "Goal.com" нашри хабарига кўра, 35 ёшли футболчи азалий рақиби Криштиану Роналду тўп сурадиган Саудия Арабистони чемпионатини забт этиш учун боради.

Манбанинг қайд этишича, Мессининг трансфери бўйича келишув ёпилган. Шу тариқа, 2023/2024 йилги мавсумдан бошлаб Лионель Яқин Шарқда "концерт беради". Аргентиналик учун энг эҳтимолий янги клуб "Ал-Ҳилол" дея айтилмоқда.

Ҳужумчи келаси ёзда парижликлар билан шартномаси ниҳоясига етгани учун текинга Саудияликлар сафига ўтади.