Барибир Мбаппени олмасак бўлмайди

“Ливерпуль” раҳбарияти ПСЖ ҳужумчиси Килиан Мбаппени трансфер қилиш ғоясидан воз кеча олмаяпти. Юрген Клопп жамоасининг ўйини кўпроқ Муҳаммад Салоҳга боғлиқ бўлиб қолган.

Мисрлик ҳужумчи ёзда Саудия Арабистонига кетиши кутиляпти. Мбаппе Салоҳнинг ўрнини тўлдиришга қодир ўйинчи сифатида баҳоланмоқда.

L'Équipe нашрининг маълум қилишича, ливерпулликлар 25 ёшли форварднинг агентлари билан алоқани ушлаб турибди.

Шунга қарамай, мутахассислар Мбаппенинг “Ливерпуль”га ўтиш имкониятини жуда паст баҳоламоқда. Қолаверса, франциялик тўпурар ҳафтасига 650 минг евро маош сўраётгани ливерпулликларга оғирлик қилиши аниқ.

Ҳозирча, Килиан Мбаппе учун курашда “Реал” асосий даъвогар ҳисобланади.