"Барса" президенти Хулиан Альварес трансфери бўйича баёнот берди

«Барселона» президенти Жоан Лапорта Мадриднинг «Атлетико» клуби ва Аргентина терма жамоаси ҳужумчиси Хулиан Альваресни жамоага олиб келиш эҳтимоли ҳақида фикр билдирди.

- Биз Хулиан бўйича расмий таклиф бердик ва эндиликда қарорни «Атлетико» қабул қилади. Таклифимиз жуда яхши, аммо у абадий кучда бўлмайди. 

Флик ҳам, Деку ҳам Хулианни жамоада кўришни исташяпти... Лекин агар «Атлетико» розилик бермаса, биз бошқа вариантлар устида ишлаймиз, — деди Лапорта.

Унинг сўзларига кўра, каталонияликлар ҳужум чизиғини кучайтириш учун захира режага ҳам эга: «Агар Хулиан ўтмаса, Б режа бор. Деку ишни тўхтатгани йўқ, бир нечта номзодлар кўриб чиқиляпти ва у клуб учун энг мақбул вариантни танлаши керак», — дея Лапортанинг фикрларини журналист ва инсайдер Фабрицио Романо келтиради.

Эслатиб ўтамиз, Хулиан Альварес Аргентина терма жамоаси таркибида 2026 йилги жаҳон чемпионати финалида Испания жамоасига қарши майдонга тушади.