“Барса” 3 футболчидан тезда қутилмоқчи

“Барселона” молиявий аҳволидан келиб чиқиб, янги ўйинчиларни олиш билан бирга таркибдаги айрим футболчиларни сотиб юборишига тўғри келяпти.

Клуб мутасаддилари биринчи навбатда кетадиганлар рўйхатига уч кишини киритди. Каталонияликлар ҳимоячилар Клеман Лангле ва Микоил Файе, ҳужумчи Витор Рокедан тезроқ қутилишга ҳаракат қиляпти.

Журналист Маттео Мореттонинг маълум қилишича, “Барселона” ёзги трансферлар ойнаси ёпилгунига қадар учала футболчини сотиб юборишга улгурмоқчи.

Манбага кўра, каталонияликлар янги ўйинчиларни Ла Лига қайдномасидан ўтказиш учун маошлар бюджетини сезиларли даражада қисқартириши талаб этилади.