“Барса” Англия клуби ололмаган юлдузга оғиз соляпти

“Вест Хэм” ёзги трансферлар вақтида Саудия Арабистонининг “Ал-Иттиҳод” клубидан франциялик легионер Нголо Кантени олишга уриниб кўрди.

Бироқ, саудияликлар бу трансферга кўнмади.

Энди “Барселона” 33 ёшли ярим ҳимоячини ўз сафига қўшиб олмоқчи.

Канте яқинда Германия мезбонлик қилган Европа чемпионатида юқори савияда ўйин кўрсатгани уни Европага қайтармоқчи бўлган жамоалар сонини ортишига сабаб бўляпти.

Экспертлар каталонияликларга ҳам Кантени олиш осон бўлмаслигини таъкидалмоқда. Чунки “Ал-Иттиҳод” тажрибали футболчини жамоанинг асосий фигураларидан бири сифатида қадрлайди.

Канте ўтган мавсумда  барча турнирларда 44 маротаба майдонга тушиб, тўртта гол ва олтита ассист муаллифи бўлди.