“Барса” антиқа рекорд ўрнатди

“Барселона” жамоаси Испания чемпионатининг 22 та учрашувидан 17 тасида ўз дарвозаси дахлсизлигини сақлаб қолди, - деб хабар бермоқда OptaJose.

Манбанинг таъкидлашича, бу кўрсаткич Испания чемпионатининг янги рекорди сифатида қайд этилди.

Аввалги энг яхши натижа “Депортиво”га тегишли бўлиб, бу жамоа 1993-1994 йилги мавсумда 16 та учрашувда тўп ўтказмаган.

Каталонияликлар жорий мавсумда чемпионликка даъвогарлик қилмоқда. Хави шогирдлари 19 та ғалаба, иккита дуранг ва битта мағлубият билан 59 очко жамғарган ҳолда биринчи ўринда бормоқда. “Барса” футболчилари жами 45 та гол уриб, ўз дарвозасидан атиги еттита тўп олиб чиққан.