"Барса" барибир Альваресдан воз кечмайди

«Барселона» ҳали ҳам Хулиан Альварес трансфери бўйича келишувга умид қилмоқда.

Бугун маълум бўлишича, каталонияликлар «Арсенал» клубидан Габриэл Жезусни сотиб олишга келишиб олган. 

Келишув қиймати тахминан 10 миллион евро этиб баҳоланмоқда, шартномада қўшимча бонуслар ҳам назарда тутилган.

The Athletic нашри хабар беришича, бразилиялик ҳужумчи билан шартнома имзоланишига қарамай, каталонияликлар Хулиан Альварес бўйича режаларидан воз кечмаган. Клуб ёзги трансфер ойнаси ёпилгунча «Атлетико» билан келишишга уринмоқчи.

 Шу билан бирга, аргентиналик футболчига «Арсенал» томонидан ҳам қизиқиш сақланиб қолмоқда.

Манбаларга кўра, Альвареснинг «Барса»га ўтиши учун ягона реал вариант қолган – у «Атлетико» билан шартномани бекор қилиши керак бўлади. Бу ҳолда тўланадиган компенсация миқдорини суд белгилайди.