“Барса”: Битта ҳам трансферга имконимиз йўқ!

“Барселона” Испания Суперкубоги учун ўтказилган ҳал қилувчи баҳсда ашаддий рақиб “Реал”дан қақшатқич мағлубятга учради.

Клуб спорт директори Деку “Барселона” айни пайтда трансфер бозорида фаоллик кўрсата олмаслиги ва таркибини янги ижрочилар билан кучайтиришга имкон йўқлигини таъкидлади.

- Ҳозир бирорта янги ўйинчи ололмаймиз, вазиятнинг бори шу, - деди Деку.

Каталония клуби бир неча йилдан бери молиявий инқироздан тўлиқ қутила олмаяпти. Бу ҳолат “Барселона”га кучли футболчиларни олиб келишга ҳалақит қилмоқда.

Кейинги пайтда каталонияликлар асосан эркин агентга айланган футболчиларни ўз таркибига қўшиб олиш орқали таркибни кучайтиришга уринмоқда.