“Barsa” Braziliyadan kelgan yulduzga joy bermaydi

“Barselona” braziliyalik hujumchi Vitor Rokeni yozgi transferlar vaqtida ijaraga berib yuboradi.

Jurnalist Santi Ovalening ma’lum qilishicha, 19 yoshli futbolchi kelasi mavsum ham Kataloniyada qolib asosiy tarkibga kirish uchun kurashmoqchi.

Biroq Xavi Ernandes boshchiligidagi murabbiylar shtabining fikri boshqacha. Ular kelasi mavsum yosh hujumchiga boshlang‘ich tarkibdan joy bermoqchi emas.

Vitor Roke Kataloniyaga joriy yilning yanvar oyida kelgandi. “Atletiko Paranaense” klubi tarbiyalanuvchisi “Barsa”ga 40 million evroga tushgan.