"Барса", бу юлдузни 200 миллион еврога ҳам ололмайсан!

Мадриднинг «Атлетико» клуби бош директори Мигель Анхель Хиль «Барселона» президенти Жоан Лапортанинг баёнотига муносабат билдирди.

Лапорта аввалроқ каталонияликлар «матрасчилар»га ҳужумчи Хулиан Альварес трансфери бўйича таклиф йўллагани, аммо бу таклиф абадий эмаслигини айтган эди.

- Яқинда мен «Барса» президентининг: у «Атлетико»га қилган таклифи муддатсиз эмаслиги ҳақидаги гапларини эшитдим. Биз бера оладиган ягона жавоб шундай: йўқ, биз Альваресни сотиш ниятида эмасмиз. Таклиф 100 миллион бўладими, 150 миллионми ёки 200 миллион евроми — барибир, буни қабул қилмаймиз, — дея Хилнинг сўзларини клуб матбуот хизмати орқали AS нашри келтиради.

Аввалроқ оммавий ахборот воситалари «Барселона» Альварес трансфери учун 100 миллион евро тўлашга тайёр экани ҳақида хабар берган эди.