“Барса” чиқиштирмаган Фатини Европа гиганти чақиряпти

Лионель Месси “Барселона”ни тарк этганидан кейин каталонияликлар сафидан порлаб чиққан Ансу Фати аргентиналик юлдузнинг вориси сифатида эътироф этилган эди.

Бироқ ёш ўйинчи кетма-кет оғир жароҳатларга йўлиқди ва бунинг ортидан ўйин савияси сезиларли даражада пасайди.

Ансу Фати порлаган даврида “Барселона” билан узоқ муддатли шартнома тузиб қўйган эди. Ҳозир уни клубда айнан ўша битим ушлаб турибди. Бош мураббий Ханс-Дитер Флик 22 ёшли ҳужумкор футболчини келажакдаги режаларига киритмаган.

Ўйин амалиётисиз қолиб кетаётган Фати ёзда ўзига янги жамоа топиши керак. Италия грандларидан “Ювентус” Ансуга имкон беришга тайёр.

Бир пайтлар 200 миллион евро таклиф қилган “Манчестер Юнайтед”га жўнатилмаган Ансу Фатининг ҳозирги трансфер суммаси 5 миллион еврони ташкил қилади. Бу сумма яна икки йиллик битими бор ўйинчини сотиб олиш учун Турин суперклубига ҳеч қандай қийинчилик туғдирмайди.