“Барса” энг тез югурадиган ҳимоячини олмоқчи

Испаниянинг амалдаги чемпиони “Барселона” 2026 йилнинг ёзида жамоанинг ҳимоя чизиғини қайта ташкил қилишни мўлжаллаган. Ана шу мақсадда каталонияликлар скаутлари жамоа мос янги ижрочиларни қидиряпти.

Sport.es сайтининг ёзишича, “Барселона” Англия Премьер-лигасида ўйнаётган “Тоттенхэм”нинг нидерландиялик легионери Микки ван де Венни трансферлар рўйхатига киритди.

Замонавий футболда энг тезкор ҳимоячилардан ҳисобланган Микки ёзда Лондонни тарк этишни истаяпти. “Тоттенхэм” эса, 24 ёшли футболчисини Англиядан ташқаридаги клубларга сотишни режалаштирган.

Микки ван де Вен 2023 йилдан бери “Тоттенхэм”да ўйнаб келади. Жорий мавсумда у 27 та ўйинда қатнашиб, ҳимоядаги вазифаларини уддалашдан ташқари, 6 та гол ва 1 та голли узатма муаллифи бўлди. Унинг трансфер бозоридаги нархи 65 миллион еврони ташкил қилади.