"Барса" футболчилари уйларини ўмарган ўғрилар тўдаси қўлга олинди

Каталония полицияси «Барселона» футбол клуби бир қатор ўйинчилари уйларига ҳамда бошқа қимматбаҳо кўчмас мулкларга қилинган ўғирликларда гумонланаётган уч нафар шахсни қўлга олди.

Маълумотларга кўра, жиноий гуруҳ фаолияти шундан сўнг фош этилганки, гумондорлардан бири ўз қўлига тушган соатлар билан мақтаниб юрган. Ушбу соатлар «Барселона» футболчилари Кубарси ва Жоан Гарсияга тегишли экани аниқланган.

Машҳур манбалардан derbyderbyderby.it нашри La Vanguardia газетасига таяниб хабар беришича, Каталония полицияси Барселона атрофида яшовчи бой оилалар уйларида содир этилган бир қатор ўғирликларга алоқадор уч нафар шахсни аниқлаб, ушлаган. Улар орасида «Барселона»нинг бир неча футболчилари яшайдиган уйлар ҳам бор.

Қўлга олинганлар орасида: 58 ёшли Косово фуқароси — қимматбаҳо уйларни ўмаришга ихтисослашган шахс; 51 ёшли испаниялик — ҳуқуқни муҳофаза қилиш идораларига кокаин савдоси билан таниш бўлган гумондор; шунингдек, 40 ёшли испаниялик аёл — у олдин ҳам 18 марта турли қонунбузарликлар учун жавобгарликка тортилган.