“Барса” футболчисига Англиядан олтита таклиф келди

“Барселона” қанот ҳужумчиси Руни Бардагжи жорий ёзда ижара асосида клубни тарк этиши мумкин. Бу ҳақда TEAMtalk нашри хабар берди.

Манбага кўра, 20 ёшли футболчига Англия Премьер-лигасининг олти клуби қизиқиш билдирмоқда:

• “Лидс Юнайтед”
• “Астон Вилла”
• “Сандерленд”
• “Брайтон”
• “Эвертон”
• “Брентфорд”

Қайд этилишича, Каталониянинг супержамоасида ҳужум чизиғи кучайтирилганидан кейин Бардагжининг Испания чемпионлари сафида мунтазам ўйин амалиётига эга бўлиш имконияти камайган.

Хусусан, “Барселона” яқинда Англиядан Энтони Гордонни ўз сафига қўшиб олди ва бу ҳужумчилар ўртасидаги рақобатни янада кучайтирди.

Шу сабабли каталонияликлар швециялик футболчини ижарага бериш вариантини кўриб чиқмоқда. Бу унга кўпроқ ўйин амалиётига эга бўлиш ва ривожланишни давом эттириш имконини беради.

Айни пайтда АПЛ клублари истиқболли вингер атрофидаги вазиятни диққат билан кузатиб бормоқда.