“Барса” футболчисини “Сити”га катта суммага бермади

Испаниянинг амалдаги чемпиони “Барселона” жамоа ҳимоячиси Алехандро Бальдени бу ёзда ҳам сотмасликка қарор қилди.

Diario SPORT нашри маълумотига кўра, “Манчестер Сити” ва “Челси” 80 миллион евродан таклиф берган бўлса-да, клуб президенти Жоан Лапорта футболчини сотилмайдиган ўйинчилар қаторига киритган.

Клуб спорт директори Деку қизиқиш билдирган барча клубларга Бальде трансферга қўйилмаслигини маълум қилган.

“Барселона” академияси тарбияланувчиси бўлган Бальде ўтган мавсумда 42 та ўйинда иштирок этиб, 3 та голли узатма амалга оширган. Унинг шартномаси 2028 йилгача амал қилади.