“Барса” ҳам катта йўқотишга учради

Испания чемпионатининг навбатдаги турида “Барселона” Роберт Левандовскининг хет-трики эвазига “Алавес”ни йирик ҳисобда мағлубиятга учратди.

Бу ўйин каталонияликлар ҳужумкор футболчиси Ферран Торресга қимматга тушди. Испаниялик ўйинчи беллашувнинг олтинчи дақиқасидаёқ жароҳат олиб, майдонни тарк этишга мажбур бўлди.

Diario Sport нашрининг аниқлик киритишича, Ферран Торрес ўнг оёқ сон мушакларини жиддий шикастлаб олган ва саломатлигини тўлиқ тиклаб олиши учун бир ой вақт керак бўлади.

Таркибнинг муҳим ўйинчиларидан ҳисобланган Ферран Торрес 26 октябрга белгиланган “эл-класико”да жамоасига аниқ ёрдам бера олмайди.