“Барса” ҳимоячисини Англиянинг уч клуби талашяпти

“Барселона” клубининг энг моҳир ҳимоячиларидан бири Алехандро Бальде фаолиятини жаҳон футболининг энг мураккаб лигаси – Англия чемпионатида давом эттириши мумкин.

Mundo Deportivo маълумотига кўра, иқтидорли ўйинчига “Манчестер Юнайтед”, “Манчестер Сити” ва “Астон Вилла” жиддий қизиқиш билдирмоқда.

Ҳозирча расмий таклифлар келиб тушмаган бўлса-да, инглиз клублари трансфер имкониятини ўрганиб чиқмоқда. Алехандро Бальденинг ўзи “Барселона”да қолишни истайди.

Унинг агенти Жорже Мендеш ҳам ҳимоячи молиявий қийинчиликларга қарамай, клубни тарк этмаслигини тасдиқлади.

Алехандро Бальде “Барселона” тарбияланувчиси ҳисобланади. Унинг шартномаси 2028 йилнинг 30 июнгача амал қилади.  Жорий мавсумда у 34 та ўйин ўтказиб, 3 та ассист қайд этди.