“Барса” Ламин Ямални Испания терма жамоасида ўйнатмасликни талаб қилмоқда

УЕФА Миллатлар лигаси доирасида Испания терма жамоасининг Данияга қарши ўтказилган учрашувида рақиб футболчилари Ламин Ямалга қарши кескин ўйнаши кузатилди. Даниялик ҳимоячи 17 ёшли ҳужумкор ўйинчини тўхтатиш учун атайин тажовузкор ўйнаганини ҳам тан олди.

Sport.es сайтининг маълум қилишича, “Барселона” раҳбарияти Испания Қироллиги футбол федерациясига мурожаат қилиб, Дания билан ўйинда шикастланган Ламин Ямални клубга қайтариб юборишни сўраган.  

Ҳозирча, мамлакат футболи раҳбарияти каталонияликларнинг талабига жавоб қайтаргани йўқ. Шунга қарамай, “Барселона” хўжайиндари 17 ёшли футболчи 15 октябрга белгиланган Миллат лигаси тўртинчи тур доирасида Сербияга қарши ўйинда иштирок этмаслигини истаяпти.

Аввалроқ, тиббий текширувлар Ламин Ямалнинг Дания терма жамоасига қарши учрашувда олган жароҳати жиддий эмаслиги тасдиқланди.